Durmir

Aschi individuals sco mintga hosp ein era las siat combras digl albiert sper la fontauna. Combras cun caracter, particularas, influenzadas dalla historia dalla casa e concepidas digl architect Gion A. Caminada.

Quels criteris valan per tut las combras: mintgina ei endrizzada a moda emperneivla e cun senn per il detagl. Ultra da quei disponan ellas d’in bogn cun duscha e tualetta, d’in favugn, da products cosmetics, d’in safe e da WLAN gratuit.

Combras

  1. 2 combras dublas cun in letg grond naven da CHF 180.00 / 200.00 tut tenor stagiun. Ina combra ei adattada per sutgas cun rodas.
  2. 3 combras dublas mesaunas naven da CHF 200.00 / 220.00 tut tenor stagiun. Duas combras ein concepidas tenor ils basegns da persunas cun impediments.
  3. 1 combra da famiglia per 4 ni 5 persunas naven da CHF 220.00 / 240.00 tut tenor stagiun.
  4. 1 suita cun ina combra separada, ideala era per famiglias, concepida tenor ils basegns da persunas cun impediments.

Prezis

  1. Affons tochen 6 onns habiteschan gratuitamein tier nus.
  2. Affons da 6 tochen 14 onns pagan CHF 50.00 ella combra dils carschi.
  3. In supplement per carschi en in letg supplementar cuosta CHF 80.00 per persuna.
  4. Naven d’in segiurn da treis dis dein nus in rabat da 10%.

Il prezi per combra cumpeglia in buffet da solver variont cun tratgas localas e fatgas en casa.