Gion A. Caminada

Gion A. Caminada viva e lavura a Vrin, nua ch’el meina in biro d’architectura. Dapi il 2010 eis el ultra da quei professer per architectura e design alla Scola politecnica federala a Turitg. Grond resun han giu sias ovras en sia vischnaunca burgheisa Vrin, nua ch’el ei staus responsabels per la planisaziun locala ed il plan da formaziun, ha denton era creau pliras stallas, casas ed edifecis publics, denter auter la stiva da morts sper la baselgia. Caminada ei vegnius undraus diversas gadas per sias lavurs, per exempel cun il Premi grischun da cultura il 2011.